கொரோனாவுக்கு மேலும் 4 பேர் பலி

அரியலூர்:

அரியலூர் மாவட்டத்தில் நேற்று 81 பேர் கொரோனா தொற்றால் பாதிக்கப்பட்டுள்ளனர். கொரோனாவுக்கு திருச்சியில் உள்ள தனியார் மருத்துவமனையில் சிகிச்சை பெற்று வந்த 44 வயதுடைய பெண் ஒருவரும், அரியலூர் அரசு மருத்துவமனையில் சிகிச்சை பெற்ற 80 வயதுடைய மூதாட்டியும், 63, 47 வயதுடைய ஆண்கள் 2 பேரும் என மொத்தம் 4 பேர் சிகிச்சை பலனின்றி உயிரிழந்துள்ளனர். இதனால் மாவட்டத்தில் பலி எண்ணிக்கை 187 ஆக உயர்ந்துள்ளது. நேற்று மட்டும் 76 பேர் குணமாகி மருத்துவமனைகளில் இருந்து டிஸ்சார்ஜ் ஆகி உள்ளனர். தற்போது 562 பேர் கொரோனாவுக்கு மருத்துவமனைகளில் சிகிச்சை பெற்று வருகின்றனர். நேற்று 527 பேருக்கு கொரோனா பரிசோதனை செய்யப்பட்டுள்ளது. மாவட்டத்தில் நேற்று 1,833 பேருக்கு தடுப்பூசி போடப்பட்டுள்ளது.