கத்தியை காட்டி பணம் பறித்த 2 பேர் கைது

திருமங்கலம் அருகே உள்ள பாரப்பத்தி கிராமத்தை சேர்ந்தவர் வேலு (வயது 55). இவர் கூடகோவில் தொடக்க வேளாண்மை கூட்டுறவு வங்கி அருகே நின்று கொண்டிருந்தார். அப்போது மோட்டார் சைக்கிளில் வந்த 2 பேர் வேலுவிடம் கத்தி காட்டி மிரட்டி ரூ.100-ஐ பறித்து சென்றனர். இதுகுறித்த புகாரின் பேரில் போலீசார் வழக்குப்பதிவு செய்து மர்மநபர்களை தேடி வந்தனர்.
இந்த நிலையில் கூடகோவில் பகுதியில் போலீசார் வாகன சோதனையில் ஈடுபட்டனர். அப்போது அந்த வழியாக மோட்டார் சைக்கிளில் வந்த 2 பேரை சந்தேகத்தின்பேரில் பிடித்து விசாரித்தனர். விசாரணையில் கோவையைச் சேர்ந்த ராமன் மகன் சூர்யா (21), காரியாபட்டி அருகே மீனாட்சிபுரம் இருளப்பன் மகன் கார்த்தி (21) என்பதும் தெரியவந்தது. இவர்கள் இருவரும் கோவையில் கொத்தனார் வேலை பார்ப்பது தெரியவந்தது. பல்லடம் பகுதியில் ேமாட்டார் சைக்கிளை திருடி, இந்தப் பகுதியில் கத்தியை காட்டி மிரட்டி பணம் பறித்தது விசாரணையில் தெரியவந்தது. இருவரையும் கைது செய்து கூடகோவில் போலீசார் விசாரணை நடத்தி வருகின்றனர்.