பணம் வைத்து சூதாடிய 11 பேர் கைது

கரூர் பசுபதிபாளையம் போலீஸ் சப்-இன்ஸ்பெக்டர் சந்திரசேகர் தலைமையிலான போலீசார் ரோந்து பணியில் ஈடுபட்டிருந்தனர். அப்போது கரூர் குழந்தாகவுண்டனூர் டாஸ்மாக் பின்புறம் பணம் வைத்து சூதாட்டத்தில் ஈடுபட்டு கொண்டிருந்த மாரியப்பன் (வயது 61) உள்பட 11 பேரை போலீசார் சுற்றி வளைத்து கைது செய்தனர். பின்னர் அவர்களிடமிருந்து சீட்டுக்கட்டுகள், ரூ.21 ஆயிரத்து 108-ஐ போலீசார் பறிமுதல் செய்து விசாரணை நடத்தி வருகின்றனர்.