கொடுங்கையூரில் நகை பெட்டி தயாரிக்கும் கம்பெனியில் தீ விபத்து

இங்கு நூற்றுக்கும் மேற்பட்டோர் வேலை செய்து வந்தனர். இங்கிருந்து நகை பெட்டிகள் தயாரித்து, நகை கடைகளுக்கும், வெளியூர்களுக்கும் அனுப்பி வந்தனர். கொரோனா ஊரடங்கால் தற்போது கம்பெனி மூடப்பட்டு உள்ளது.நேற்று அதிகாலை 3 மணி அளவில் திடீரென இந்த கம்பெனியில் தீப்பிடித்து எரிந்தது. கம்பெனியில் இருந்து கரும்புகை வெளியேறியதை கண்ட அக்கம் பக்கத்தினர் தீயணைப்பு நிலையத்துக்கு தகவல் தெரிவித்தனர்.

சம்பவ இடத்துக்கு விரைந்து வந்த வியாசர்பாடி சத்தியமூர்த்தி நகர் தீயணைப்பு நிலைய வீரர்கள், 2 மணி நேரத்துக்கும் மேலாக போராடி தீயை அணைத்தனர். எனினும் கடையில் இருந்த நகை வைக்கும் பெட்டிகள் எரிந்து நாசமானது. தீ 

விபத்துக்கான காரணம் குறித்து கொடுங்கையூர் போலீசார் விசாரித்து வருகின்றனர்.