வெள்ளகோவிலில் கொரோனா தடுப்பூசி போட திரண்ட பொதுமக்கள்
வெள்ளகோவிலில் கொரோனா தடுப்பூசி போட திரண்ட பொதுமக்கள்
வெள்ளகோவில்
வெள்ளகோவில் ஆரம்ப சுகாதார நிலையத்தின் சார்பில் நேற்று 18 வயது முதல் 45 வயது வரை உள்ளவர்களுக்கு வெள்ளகோவில் மேற்கு ஊராட்சி ஒன்றிய நடுநிலைப்பள்ளியில் கொரோனா தடுப்பூசி போடப்பட்டது. பொதுமக்கள் அதிகாலை முதலே நீண்ட வரிசையில் காத்திருந்து தடுப்பூசி போட்டுக்கொண்டனர். மருந்து குறைந்த அளவே இருந்ததால் அதிகப்படியான பொதுமக்கள் ஊசி போட முடியாமல் ஏமாற்றத்துடன் திரும்பிச்சென்றனர். அதேபோல் வெள்ளகோவில் அருகே உள்ள தீத்தாம்பாளையம் ஊராட்சி ஒன்றிய நடுநிலைப்பள்ளியில் ஆசிரியர்கள், வங்கி, ஊராட்சி, நகராட்சி அலுவலர்கள், ஊழியர்கள், பஸ் டிரைவர், கண்டக்டருக்கு தடுப்பூசி போட்டனர்.