திருச்சி மாநகர துணை கமிஷனர் பொறுப்பேற்பு

திருச்சி
திருச்சி மாநகர குற்றப்பிரிவு மற்றும் போக்குவரத்து துணை கமிஷனராக பணியாற்றிய வேதரத்தினம் சில நாட்களுக்கு முன்பு சேலம் மாநகர குற்றப்பிரிவு மற்றும் போக்குவரத்து துணை கமிஷனராக பணியிடமாற்றம் செய்யப்பட்டார். அதனைத்தொடர்ந்து கோவை போக்குவரத்து பிரிவு துணை கமிஷனராக பணியாற்றி வந்த முத்தரசு திருச்சி மாநகர குற்றப்பிரிவு மற்றும் போக்குவரத்து துணை கமிஷனராக நியமிக்கப்பட்டார். இவர், நேற்று காலை தனது அலுவலகத்தில் பொறுப்பேற்றுக் கொண்டார். அப்போது அவர் கூறுகையில் போலீஸ் கமிஷனர் அருண் உத்தரவின்பேரில் குற்றம் மற்றும் போக்குவரத்து பணியை சிறப்பாக செயல்படுத்துவேன் என்றார். அவருக்கு போலீஸ் உதவி கமிஷனர்கள், இன்ஸ்பெக்டர்கள், சப்-இன்ஸ்பெக்டர்கள் மற்றும் அதிகாரிகள் வாழ்த்து தெரிவித்தனர்.