செங்கல்பட்டு மாவட்டத்தில் கொரோனா தொற்றால் ஒரே நாளில் 563 பேர் பாதிப்பு 16 பேர் உயிரிழப்பு

வண்டலூர், 

செங்கல்பட்டு மாவட்டத்தில் நேற்று 563 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 1 லட்சத்து 51 ஆயிரத்து 228-ஆக உயர்ந்துள்ளது. இவர்களில் 1 லட்சத்து 44 ஆயிரத்து 811 பேர் சிகிச்சை பெற்று வீடு திரும்பினர். நேற்று சிகிச்சை பலனின்றி ஒரே நாளில் 16 பேர் உயிரிழந்தனர்.

இதனால் உயிரிழந்தவர்களின் எண்ணிக்கை 2 ஆயிரத்து 212- ஆக உயர்ந்தது. இதில் 4205 பேர் ஆஸ்பத்திரியில் சிகிச்சை பெற்று வருகின்றனர்.

காஞ்சீபுரம்

காஞ்சீபுரம் மாவட்டத்தில் நேற்று 292 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 68 ஆயிரத்து 174-ஆக உயர்ந்துள்ளது. இவர்களில் 65 ஆயிரத்து 318 பேர் சிகிச்சை பெற்று வீடு திரும்பினர். நேற்று சிகிச்சை பலனின்றி 13 பேர் உயிரிழந்தனர். இதனால் காஞ்சீபுரம் மாவட்டத்தில் கொரோனா தொற்றால் உயிரிழந்தவர்களின் எண்ணிக்கை 1110- ஆக உயர்ந்துள்ளது. 1,746 பேர் ஆஸ்பத்திரியில் சிகிச்சை பெற்று வருகின்றனர்.