மீண்டும் அதிகரிக்க தொடங்கிய கொரோனா; ஒரே நாளில் 138 பேருக்கு தொற்று

சிவகங்கை மாவட்டத்தில் கொரோனா பரவலை கட்டுப்படுத்த மாவட்ட நிர்வாகம் தொடர்ந்து பல்வேறு நடவடிக்கைகளை எடுத்து வருகிறது. அதன் விளைவாக கொரோனா பாதிப்பு படிப்படியாக மாவட்டத்தில் குறைய தொடங்கியது. கடந்த 4-ந்தேதி 187 பேருக்கு தொற்று, 5-ந்தேதி 146 பேருக்கு தொற்று, 6-ந்தேதி 125 பேருக்கு தொற்று, 7-ந்தேதி 115 பேருக்கு தொற்று என படிப்படியாக குறைந்தது.
மாவட்டத்தில் அரசு மருத்துவமனை, தனியார் மருத்துவமனை மற்றும் வீட்டு தனிமையில் உள்ளவர்கள் உள்பட 1,596 பேர் தற்போது சிகிச்சையில் உள்ளனர். நேற்று ஒரே நாளில் 208 பேர் சிகிச்சை முடிந்து வீடு திரும்பினர்.
இதே போல் கொரோனா தொற்று காரணமாக சிவகங்கை மருத்துவ கல்லூரி மருத்துவமனையில் அனுமதிக்கப்பட்டிருந்த 70 வயதுள்ள முதியவர் ஒருவர் சிகிச்சை பலனின்றி இறந்தார்.