நெல்லிக்குப்பம் அருகே மின்னல் தாக்கி விவசாயி பலி

நெல்லிக்குப்பம்,

நெல்லிக்குப்பம் அடுத்த குணமங்கலத்தை சேர்ந்தவர் சாமிநாதன் (வயது 49). விவசாயி. நேற்று, இவர் பில்லாலி பகுதியில் உள்ள வயலில் விவசாய பணி செய்து கொண்டிருந்தார்.  

அப்போது அந்த பகுதியில் இடி, மின்னலுடன் மழை பெய்தது. அந்த சமயத்தில் ஏற்பட்ட மின்னல் சாமிநாதனை தாக்கியது.  இதில் மயங்கி விழுந்த அவரை, அங்கிருந்தவர்கள் மீட்டு சிகிச்சைக்காக கடலூர் அரசு மருத்துவமனைக்கு  கொண்டு சென்றனர். 

அப்போது சாமிநாதனை பரிசோதனை செய்த டாக்டர், அவர் ஏற்கனவே இறந்து விட்டதாக தெரிவித்தனர். அவரது உடலை பார்த்து குடும்பத்தினர் மற்றும் உறவினர்கள் கதறி அழுதனர்.

இதுகுறித்து நெல்லிக்குப்பம் போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அப்பகுதியில் சோகத்தை ஏற்படுத்தி இருக்கிறது.