மின்சாரம் தாக்கி விவசாயி பலி

காளையார்கோவில்,

காைளயார்கோவில் அருகே மின்சாரம் தாக்கி விவசாயி பலியானார்.
விவசாயி
காளையார்கோவில் அருகே புலிக்கண்மாய் கிராமத்தை சேர்ந்தவர் செபஸ்டின் சூசைராஜ் (வயது 53).விவசாயி. இவர் எல்.ஐ.சி. முகவராகவும் பணியாற்றினார். இவரது மனைவி ஜான் பாப்பிஸ்டா மேரி. இவர் ஊராட்சி ஒன்றிய தொடக்கப்பள்ளியில் ஆசிரியையாக பணிபுரிந்து வருகிறார்.
இந்த நிலையில் நேற்று காலை 9 மணி அளவில் சூசைராஜ் தனது தோட்டத்திற்கு தண்ணீர் பாய்ச்சுவதற்காக சென்றார். நீண்ட நேரமாகியும் அவர் வீடு திரும்பவில்லை. இதனால் அவரது குடும்பத்தினர் அவரை தேடி தோட்டத்திற்கு சென்றனர்.
மின்சாரம் தாக்கி பலி
அங்கு மின்மோட்டாரை இயக்க முயற்சித்தபோது கீழே கிடந்த மின்வயரில் மிதித்ததால் மின்சாரம் தாக்கி செபஸ்டின் சூசைராஜ் இறந்து கிடந்தார். இதுகுறித்து காளையார்கோவில் போலீசார் வழக்கு பதிவு செய்து அவரது உடலை கைப்பற்றி பிரேத பரிசோதனைக்காக சிவகங்கை அரசு மருத்துவக்கல்லூரி மருத்துவமனைக்கு அனுப்பி வைத்தனர். தொடர்ந்து இது குறித்து விசாரணை நடத்தினர்.