சைக்கிளில் இருந்து தவறி விழுந்து கொத்தனார் சாவு
நெல்லையில் சைக்கிளில் இருந்து தவறி விழுந்து கொத்தனார் பரிதாபமாக இறந்தார்.
நெல்லை:
நெல்லை பாளையங்கோட்டை பொட்டல் பகுதியைச் சேர்ந்தவர் அமிர்தராஜ் (வயது 56). கொத்தனார். இவர் நேற்று சைக்கிளில் படப்பகுறிச்சிக்கு சென்று கொண்டிருந்தார். அப்போது அவர் திடீரென மயங்கி, சைக்கிளில் இருந்து தவறி கீழே விழுந்தார். உடனே அருகில் இருந்தவர்கள் அவரை மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். ஆனால் அங்கு சிகிச்சை பலனின்றி அமிர்தராஜ் பரிதாபமாக இறந்தார். இதுகுறித்து பாளையங்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.