அருப்புக்கோட்டை, ஜூன்
அருப்புக்கோட்டை அருகே வதுவார்பட்டி ஆர்.ஆர்.நகர் சாலையில் வாகனத்தில் அடிபட்டு புள்ளிமான் ஒன்று இறந்து கிடப்பதாக ஸ்ரீவில்லிபுத்தூர் வனத்துறையினருக்கு அப்பகுதி மக்கள் தகவல் தெரிவித்தனர். இதையடுத்து சம்பவ இடத்திற்கு வந்த வனச்சரக அலுவலர் கோவிந்தன், வன பாதுகாப்பாளர் ஜெயச்சந்திரன், வேட்டை தடுப்பு காவலர் ராஜேந்திர பிரபு ஆகியோர் புள்ளிமானின் உடலை மீட்டு பந்தல்குடி கால்நடை மருத்துவமனைக்கு கொண்டு சென்றனர். அங்கு கால்நடை மருத்துவர் சத்தியபாமா முன்னிலையில் உடற்கூறாய்வு செய்தபின் காட்டுப் பகுதிக்கு கொண்டு சென்று மானின் உடலை அடக்கம் செய்தனர்.