எஸ்.புதூர் பகுதிகளில் சாரல் மழை

கடந்த மாதம் 4-ந்தேதி முதல் கத்தரி வெயில் ஆரம்பமாகி 29-ந்தேதி நிறைவுபெற்றது. வெயிலின் தாக்கம் கடந்த ஆண்டுகளை விட இந்த ஆண்டு எஸ்.புதூர் மற்றும் சுற்றுவட்டார பகுதிகளில் அதிக அளவு காணப்பட்டது. இந்த நிலையில் கத்தரி வெயில் கடந்த மாதம் 29-ந்தேதி நிறைவற்ற நிலையிலும் வெயிலின் தாக்கம் குறைந்தபாடு இல்லை.
இந்த சூழ்நிலையில் எஸ்.புதூர் மற்றும் சுற்றுவட்டார கிராமங்களான புழுதிபட்டி, செட்டிகுறிச்சி, குன்னத்தூர்,பிரான்பட்டி பகுதிகளில் நேற்று பகலில் திடீரென பரவலான சாரல் மழை பெய்தது. கோடை வெயிலின் தாக்கத்தில் இருந்துபொதுமக்களுக்கு இந்த சாரல் மழை மகிழ்ச்சியை தந்தது. சாரல் மழை காரணமாக விவசாயிகளும் மகிழ்ச்சி அடைந்தனர்.