மின்சாரம் தாக்கி தொழிலாளி பலி

தளவாய்புரம்,

தளவாய்புரம் அருகே ஊஞ்சம்பட்டி கிராமத்தை சேர்ந்தவர் சீதாராமன் (வயது 45).  இவர் முறம்பு பகுதியில் உள்ள தனியார் மில்லில் துப்புரவு தொழிலாளியாக பணிபுரிந்து வந்தார். இந்தநிலையில் இவர் மில்லில் குடிதண்ணீர் மின்மோட்டாரை போடுவதற்காக சென்ற போது இவரை திடீரென மின்சாரம் தாக்கியது. இதில் சம்பவ இடத்திலேயே பரிதாபமாக உயிரிழந்தார். இதுபற்றி தளவாய்புரம் போலீசாருக்கு தகவல் தெரிவிக்கப்பட்டது. இதையடுத்து அவரது உடல் ராஜபாளையம் அரசு மருத்துவமனைக்கு கொண்டு செல்லப்பட்டு பிரேத பரிசோதனை செய்து உறவினரிடம் ஒப்படைக்கப்பட்டது. இதுபற்றி தளவாய்புரம் போலீசார் வழக்குப்பதிவு செய்து விசாரணை நடத்தி வருகின்றனர்.