நீதிபதி - குடும்பத்தினருக்கு கொரோனா தொற்று

பெரம்பலூர்:

பெரம்பலூர் மாவட்டத்தில் கொரோனா தொற்றால் பாதிக்கப்பட்டவர்களின் எண்ணிக்கை நாளுக்கு நாள் அதிகரித்து வருகிறது. அரசு அதிகாரிகள் உள்ளிட்டோரும் கொரோனாவின் தாக்குதலில் இருந்து தப்பவில்லை.

இந்நிலையில் பெரம்பலூர் மாவட்டத்தை சேர்ந்த 48 வயது பெண் நீதிபதி ஒருவர் கொரோனாவால் பாதிக்கப்பட்டுள்ளார். மேலும் அவருடைய கணவர், மூத்த மகன் மற்றும் நீதிபதியின் தம்பி மனைவி ஆகியோரும் கொரோனாவால் பாதிக்கப்பட்டுள்ளனர்.

நீதிபதியின் தந்தை ஏற்கனவே கொரோனாவால் பாதிக்கப்பட்டு சிகிச்சை பெற்று வருவது குறிப்பிடத்தக்கது. பெரம்பலூர் மாவட்டத்தில் கொரோனாவால் நீதிபதி மற்றும் அவருடைய குடும்பத்தினர் பாதிக்கப்பட்டுள்ளது பரபரப்பை ஏற்படுத்தியுள்ளது.