வீட்டில் தனியாக இருந்த பெண்ணிடம் 5 பவுன் நகை பறிப்பு

மலைக்கோட்டை, 

திருச்சி கோட்டை பகுதியில் உள்ள வடக்கு ஆண்டார் வீதியை சேர்ந்தவர் ரங்கசாமி மகள் பாப்பம்மாள் (வயது 55). இவருக்கு திருமணம் ஆகவில்லை. இதனால் இவர் மட்டும் தனியாக வசித்து வருகிறார். இந்தநிலையில் நேற்று இரவு 7 மணியளவில், அவர் தனியாக வீட்டில் டி.வி. பார்த்துக்கொண்டிருந்தார். அப்போது திடீரென ஹெல்மெட் அணிந்து வீட்டின் உள்ளே நுழைந்த வாலிபர் ஒருவர் பாப்பம்மாள் கழுத்தில் அணிந்திருந்த 5 பவுன் தங்க சங்கிலியை பறித்துக் கொண்டு திடீரென தப்பி ஓடிவிட்டார். இதுகுறித்த புகாரின் பேரில் கோட்டை குற்றப்பிரிவு போலீசார் அந்த பகுதியில் இருந்த கண்காணிப்பு கேமராவில் பதிவான காட்சிகளை பார்வையிட்டு விசாரணை நடத்தி வருகின்றனர்.