வீடு புகுந்து டி.வி. திருடிய 3 பேர் கைது

திருச்சி, மே.28-

திருச்சி பாலக்கரை தாமோதரன்தெருவை சேர்ந்தவர் வசந்தகுமார் (வயது 46). இவர் சம்பவத்தன்று இரவு காற்றுக்காக வீட்டின் கதவை திறந்து வைத்து விட்டு குடும்பத்துடன் வீட்டில் தூங்கி கொண்டு இருந்தார். அப்போது நள்ளிரவில் அவரது வீட்டுக்குள் புகுந்த மர்ம நபர்கள் வீட்டில் இருந்த எல்.இ.டி. டி.வி.யை திருடி சென்றனர். காலையில் எழுந்து பார்த்த வசந்தகுமார் டி.வி. திருட்டு போயிருந்ததை கண்டு அதிர்ச்சி அடைந்தார். உடனடியாக இதுகுறித்து பாலக்கரை போலீசில் புகார் அளித்தார். புகாரின்பேரில் போலீசார் 3 பேரை பிடித்து விசாரணை நடத்தினார்கள். விசாரணையில் அவர்கள், காஜாப்பேட்டை பசுமடத்தை சேர்ந்த ஜமால்முகமது (19) மற்றும் அதே பகுதியை சேர்ந்த 2 சிறுவர்கள் என தெரியவந்தது. மேலும் இவர்கள் தான் டி.வி.யை திருடிச் சென்றனர் என்பதும் தெரியவந்தது. இதையடுத்து வழக்குப்பதிவு செய்து 3 பேரையும் கைது செய்தனர்.