தண்டாயுதபாணி கோவிலில் ஏழைகளுக்கு தினமும் உணவு

கொரோனா பரவலை கட்டுப்படுத்த வருகிற 31-ந் தேதி வரை தளர்வுகள் அற்ற முழு ஊரடங்கு அமல்படுத்தப்பட்டுள்ளது. இந்த நாட்களில் பசியால் யாரும் தவிக்க கூடாது என்பதை கருத்தில் கொண்டு தி.மு.க.வினர் ஏழை-எளிய மக்களுக்கு உணவு வழங்க ஏற்பாடு செய்ய வேண்டும் என்று முதல்-அமைச்சர் மு.க.ஸ்டாலின் வேண்டுகோள் விடுத்திருந்தார். அதன்படி பெரம்பலூர் மாவட்டம், ஆலத்தூர் தாலுகா, செட்டிக்குளத்தில் அமைந்துள்ள பிரசித்தி பெற்ற தண்டாயுதபாணி மலைக்குன்றை சுற்றிலும் தங்கியிருக்கும் சாதுக்கள், யாசகர்கள், குறிசொல்லி பிழைக்கும் ஏழை-எளிய மக்களுக்கு தினமும் தி.மு.க. மருத்துவர் அணி சார்பில் உணவு வழங்கும் தொடக்க நிகழ்ச்சி நடைபெற்றது. இதில், மாநில மருத்துவர் அணி துணை செயலாளர் டாக்டர் செ.வல்லபன் கலந்து கொண்டு 50-க்கும் மேற்பட்ட ஏழைகளுக்கு உணவு பொட்டலங்கள் வழங்கி தினமும் காலை உணவு வழங்கும் சேவைப்பணியை தொடங்கி வைத்தார். நிகழ்ச்சியில் ஆலத்தூர் மேற்கு ஒன்றிய பொறுப்பாளர் சோமு.மதியழகன், மாவட்ட நெசவாளர் அணி அமைப்பாளர், கிளைச் செயலாளர்கள் மற்றும் பலர் கலந்து கொண்டனர்.