மோட்டார் சைக்கிளில் இருந்து விழுந்தவர் சாவு

பரமக்குடி,மே

பரமக்குடி அருகே உள்ள சத்திரக்குடி கிராமத்தைச் சேர்ந்தவர் பாஸ்கரன் (வயது 45). இவர் தீயனூர் சமத்துவபுரம் அருகே மோட்டார் சைக்கிளில் சென்றார். அப்போது நாய் ஒன்று குறுக்கே பாய்ந்தது. இதனால் நிலை தடுமாறி பாஸ்கரன் கீழே விழுந்துள்ளார். அதில் அவருக்கு பலத்த காயங்கள் ஏற்பட்டுள்ளது. பின்னர் ராமநாதபுரம் அரசு மருத்துவமனையில் சிகிச்சைக்காக அனுமதிக்கப்பட்ட அவர் சிகிச்சை பலனின்றி பரிதாபமாக இறந்தார். இது குறித்து சத்திரக்குடி போலீசார் வழக்குப்பதிவு செய்து விசாரித்து வருகின்றனர்.