கொரோனா தடுப்பூசி சிறப்பு முகாம்
கொரோனா தடுப்பூசி சிறப்பு முகாம் நடந்தது.
பனைக்குளம்,
திருப்புல்லாணி யூனியன் ரெகுநாதபுரம் ஊராட்சி, ரெகுநாதபுரம் அரசு ஆரம்ப சுகாதார நிலையத்தின் சார்பில் வல்லபை அய்யப்பன் கோவில் முன்பு உள்ள திடலில் கொரோனா தடுப்பூசி சிறப்பு முகாம் நடைபெற்றது. சிறப்பு முகாமில் அந்த பகுதியை சேர்ந்த ஏராளமான பொதுமக்கள் ஆர்வமுடன் தடுப்பூசி போட்டுக்கொண்டனர். பொதுமக்களுக்கு சுகாதார நிலைய மருத்துவர்கள் பிரதீப், தீபிகா ஆகியோர் தலைமையிலான மருத்துவ குழுவினர் தடுப்பூசி போடும் பணியில் ஈடுபட்டனர். முகாமில் ரெகுநாதபுரம் ஊராட்சி தலைவர் பழனி, ஊராட்சி செயலாளர் மற்றும் வல்லபை அய்யப்ப சேவா நிலைய அறக்கட்டளை உறுப்பினர்கள் உள்பட பலர் கலந்துகொண்டனர்.