கார் மோதி முதியவர் பலி

சாத்தூர், 

சாத்தூர் அருகே பெத்துரெட்டிபட்டி கிராமம் அருகே சாத்தூரில் இருந்து திருநெல்வேலி செல்லும் தேசிய நெடுஞ்சாலையில் 60 வயது மதிக்கத்தக்க முதியவர் ஒருவர் சாலையில் நடந்து சென்று கொண்டு இருந்தார். அப்போது அந்த வழியாக வந்த அடையாளம் தெரியாத கார், முதியவர் மீது மோதியது. இதில் சம்பவ இடத்திலேயே முதியவர் பலியானர். இதுகுறித்து பெத்துரெட்டிபட்டி கிராம நிர்வாக அலுவலர் பொன்ராஜ் அளித்த புகாரின் பேரில் சாத்தூர் தாலுகா போலீசார் வழக்குப்பதிவு செய்து இறந்தவரின் உடலை கைப்பற்றி சாத்தூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இறந்த முதியவர் யார்? கார் யாருடையது? என போலீசார் விசாரணை நடத்தி வருகின்றனர்.