பெண்ணை கத்தியால் குத்திய கணவன் கைது

அலங்காநல்லூர்,மே.

அலங்காநல்லூர் அருகே மேலப்பனங்காடியைச் சேர்ந்தவர் அருண்குமார் (வயது 34). டிரைவர். இவரது மனைவி உஷா (31). கணவன்-மனைவிக்கு இடையே குடும்ப தகராறு இருந்து வந்ததாக கூறப்படுகிறது.

சம்பவத்தன்று ஏற்பட்ட தகராறில் வாக்குவாதம் முற்றியதில் உஷாவை அருண்குமார் கத்தியால் குத்தினார். இதில் காயமடைந்த அவர் மதுரை அரசு மருத்துவமனையில் சிகிச்சைக்காக சேர்க்கப்பட்டார்.

இது குறித்து அலங்காநல்லூர் போலீசார் வழக்குப்பதிவு செய்து அருண்குமாரை கைது செய்தனர்.