திருப்பத்தூர் மாவட்டத்தில் ஒரே நாளில் 328 பேருக்கு கொரோனா
திருப்பத்தூர் மாவட்டத்தில் ஒரே நாளில் 328 பேருக்கு கொரோனா
திருப்பத்தூர்
திருப்பத்தூர் மாவட்டத்தில் நாளுக்கு நாள் கொரோனா தொற்றின் வேகம் அதிகரித்து வருகிறது. இதனை கட்டுப்படுத்த மாவட்ட நிர்வாகம் பல்வேறு நடவடிக்கைகளை மேற்கொண்டு வருகிறது. எனினும், தொற்றால் பாதிக்கப்படுபவர்களின் எண்ணிக்கை உயர்ந்து கொண்டே செல்கிறது.
இந்த நிலையில் மாவட்டம் முழுவதும் நேற்று ஒரே நாளில் 328 பேருக்கு கொரோனா தொற்று கண்டறியப்பட்டது. அவர்கள் சிகிச்சைக்காக அரசு மற்றும் தனியார் ஆஸ்பத்திரிகளில் சேர்க்கப்பட்டனர். மேலும் 310 பேர் குணமடைந்து வீடு திரும்பினர்.
மாவட்டத்தில் இதுவரை கொரோனா தொற்று பாதிக்கப்பட்டு 2,255 பேர் சிகிச்சையில் உள்ளனர். நேற்று கொரோனா தொற்றுக்கு ஒருவர் உயிரிழந்தார் என சுகாதாரத்துறையினர் தெரிவித்தனர்.