மானாமதுரை அரசு மருத்துவமனையில்-கொரோனா பாதித்த கர்ப்பிணிகளுக்கு சிறப்பு சிகிச்சை மையம்

இது குறித்து சிவகங்கை மாவட்ட கலெக்டர் மதுசூதன்ரெட்டி நிருபர்களிடம் கூறியதாவது:-
சிவகங்கை மாவட்டத்தில் தற்போது கொரோனா பரவல் மற்றும் நுரையீரல் தொற்று காரணமாக பாதிக்கப்படுபவர்களின் எண்ணிக்கை அதிகரித்து வருகிறது. எனவே பாதிக்கப்பட்டவர்களுக்கு உதவிட போது மான ஆக்சிஜன் வசதியுடன் கூடிய படுக்கை வசதிகள் அதிக அளவில் மாவட்டத்தில் உள்ள அனைத்து மருத்துவமனைகளிலும் அமைக்கப்பட்டு வருகிறது.
தனி சிகிச்சை மையம்

இது தவிர தேவகோட்டையில் ஆக்சிஜன் வசதியுடன் கூடிய 100 படுக்கைகள் அமைக்க நடவடிக்கை எடுக்கபட்டு வருகிறது. காரைக்குடியில் புதிதாக 200 படுக்கை வசதிகளுடன் கூடிய மருத்துவமனை கட்டிடம் கட்டப்பட்டு வருகிறது.
இன்னும் 10 அல்லது 15 நாளில் இவை செயல்பாட்டிற்கு வரும்.
தற்போது சிவகங்கை மாவட்டத்தில் 30 டாக்டர்கள் மற்றும் 80 செவிலியர்கள் புதியதாக நியமனம் செய்யப்பட உள்ளனர்.
இவ்வாறு அவர் கூறினார்.
பேட்டியின் போது மருத்துவ கல்லுாரி டீன் ரெத்தினவேல், மருத்துவ அலுவலர் டாக்டர் மீனாள், உதவி மருத்துவ அலுவலர் முகமதுரபி ஆகியோர் உடன் இருந்தனர்.