தியாகதுருகம் அருகே தொழிலாளி விஷம் குடித்து தற்கொலை

கண்டாச்சிமங்கலம்

தியாகதுருகம் அருகே பிரிதிவிமங்கலம் காலனி பகுதியை சேர்ந்தவர் சின்னதுரை (வயது 50) தொழிலாளி. மது குடிக்கும் பழக்கம் உடையவர்.

சம்பவத்தன்று குடி போதையில் வீட்டுக்கு வந்த சின்னதுரையை அவரது மனைவி கண்டித்தார். இதில் மனமுடைந்த அவர் மதுவில் விஷத்தை கலந்து குடித்தார். இதில் மயங்கி விழுந்த சின்னதுரையை அவரது மனைவி மற்றும் அக்கம்பக்கத்தினர் சிகிச்சைக்காக கள்ளக்குறிச்சி அரசு மருத்துவக் கல்லூரி மருத்துவமனையில் சேர்த்தனர். அங்கு சிகிச்சை பலன் இன்றி அவர் பரிதாபமாக இறந்தார். இதுகுறித்து தியாகதுருகம் போலீசார் வழக்குப்பதிவு செய்து விசாரணை நடத்தி வருகின்றனர்.