மருமகனை கத்தியால் குத்திய வியாபாரி கைது

தென்காசி, ஏப்:

தென்காசியை சேர்ந்தவர் சாகுல் ஹமீது (வயது 60). பழ வியாபாரி. வியாபாரம் தொடர்பாக இவர் அதிகமாக கடன் வாங்கியதால் கடனை சரிவர திருப்பிக் கொடுக்க முடியவில்லை என்று கூறப்படுகிறது. இதனால் சாகுல் ஹமீதுவுக்கும், அவரது மனைவிக்கும் இடையே கருத்து வேறுபாடு ஏற்பட்டது. இதனால் அவரது மனைவி பிரிந்து சென்றுவிட்டார். இதற்கு சாகுல்ஹமீதுவின் மருமகன் முகமது உசேன் தான் காரணம் என நினைத்து அவருடன் சாகுல் ஹமீது அடிக்கடி தகராறு செய்து வந்துள்ளார்.

இந்த நிலையில் தனது வீட்டு முன்பு முகமது உசேன் நின்று கொண்டிருந்தார். அப்போது அங்கு சென்ற சாகுல் ஹமீது தான் மறைத்து வைத்திருந்த கத்தியால் முகமது உசேனை குத்தி கொலை செய்ய முயற்சி செய்ததாக கூறப்படுகிறது. இதில் படுகாயமடைந்த முகமது உசேன் பாளையங்கோட்டை அரசு ஆஸ்பத்திரியில் சிகிச்சை பெற்று வருகிறார். இதுகுறித்து தென்காசி போலீசார் வழக்குப்பதிவு செய்து சாகுல் ஹமீதுவை கைது செய்து விசாரணை நடத்தி வருகிறார்கள்.