முத்தூர் ஒழுங்குமுறை விற்பனை கூடத்தில் ரூ.6¼ லட்சத்திற்கு எள் ஏலம் விடப்பட்டது.
முத்தூர் ஒழுங்குமுறை விற்பனை கூடத்தில் ரூ.6¼ லட்சத்திற்கு எள் ஏலம் விடப்பட்டது.
முத்தூர்
முத்தூர் ஒழுங்குமுறை விற்பனை கூடத்தில் ரூ.6¼ லட்சத்திற்கு எள் ஏலம் விடப்பட்டது.
ஒழுங்குமுறை விற்பனைக்கூடம்
திருப்பூர் மாவட்டம் முத்தூர் ஒழுங்குமுறை விற்பனை கூடத்தில் வாரந்தோறும் சனிக்கிழமை தேங்காய், தேங்காய் பருப்பு, எள் ஆகிய வேளாண் விளை பொருட்களின் ஏலம் நடைபெற்று வருகிறது. இதன்படி எள் ஏலம் தொடங்கப்பட்ட 3-வது வாரமான நேற்று காலை ஒழுங்குமுறை விற்பனை கூடத்திற்கு சுற்றுவட்டார விவசாயிகள் 88 எள் மூட்டைகளை ஏலத்துக்கு கொண்டு வந்து இருந்தனர்.
இதில் கருப்பு ரக எள் 1 கிலோ அதிகபட்ச விலையாக ரூ.103.89-க்கும், குறைந்தபட்ச விலையாக ரூ.85.09-க்கும், சிவப்பு ரக எள் 1 கிலோ அதிகபட்ச விலையாக ரூ.103.09-க் கும், குறைந்தபட்ச விலையாக ரூ.86.99-க்கும் ஏலம் விடப்பட்டது. இவைகளின் மொத்த மதிப்பு ரூ.6 லட்சத்து 25 ஆயிரத்து 767 ஆகும்.
மேலும் ஒழுங்குமுறை விற்பனை கூடத்தில் நேற்று சுற்றுவட்டார விவசாயிகள் 14 ஆயிரத்து 536 தேங்காய்களை ஏலத்துக்கு கொண்டு வந்தனர். இதில் 1 கிலோ தேங்காய் அதிகபட்சமாக ரூ.37.15-க்கும், குறைந்தபட்ச விலையாக ரூ.28.45-க்கும் டெண்டர் முறையில் ஏலம் விடப்பட்டது.மேலும் 109 தேங்காய் பருப்பு மூட்டைகள் ஏலம் விடப்பட்டதில் 1 கிலோ தேங்காய் பருப்பு அதிகபட்சமாக ரூ.125.15-க்கும், குறைந்தபட்ச விலையாக ரூ.87-க்கும் டெண்டர் முறையில் ஏலம் விடப்பட்டது. இவைகளின் மொத்த மதிப்பு ரூ.5 லட்சத்து 85 ஆயிரத்து 664 ஆகும்.
எள் வரத்து சரிவு
மேலும் கடந்த வாரத்தை விட இந்த வாரம் 102 எள் மூட்டைகளும், 5 ஆயிரத்து 651 தேங்காய்கள் குறைவாகவும், 25 தேங்காய் பருப்பு மூட்டைகள் கூடுதலாகவும் கொண்டு வரப்பட்டு ஏலம் விடப்பட்டது. இதில் கருப்பு ரக எள் 1 கிலோவிற்கு ரூ.6.20-ம், சிவப்பு ரக எள் 1 கிலோவிற்கு ரூ.1.66-ம் குறைவாகவே விவசாயிகளுக்கு கிடைத்தது.
மேலும் தேங்காய் 1 கிலோவிற்கு 95 பைசாவும், தேங்காய் பருப்பு 1 கிலோவிற்கு ரூ.1-ம் கூடுதலாகவே விவசாயிகளுக்கு கிடைத்தது. மேலும் கடந்த 10 மாதங்களாகவே தேங்காய் பருப்பு கிலோ ரூ.120-ஐ தாண்டி ஏலம் விடப்பட்டு வருகிறது என்பது குறிப்பிடத்தக்கது.
16 டன் பொருட்கள் ஏலம்
இதன்படி நேற்று ஒரே நாளில் தேங்காய், தேங்காய் பருப்பு, எள் என மொத்தம் 16 டன் வேளாண் விளைபொருட்கள் ரூ.12 லட்சத்து 11 ஆயிரத்து 431-க்கு ஏலம் விடப்பட்டது. இத்தகவலை முத்தூர் ஒழுங்குமுறை விற்பனைக்கூட மேற்பார்வையாளர் ஸ்ரீரங்கன் தெரிவித்து உள்ளார்.