மோட்டார் சைக்கிள் மீது கார் மோதி விவசாயி பலி

உப்பிடமங்கலம் அருகே உள்ள சேங்கல் கீழடையை சேர்ந்தவர் மருதைகவி (வயது 44). விவசாயியான இவர், நேற்று மாலை உப்பிடமங்கலம்-சேங்கல் சாலையில் தனது மோட்டார் சைக்கிளில் சேங்கல் நோக்கி சென்று கொண்டிருந்தார். அப்போது எல்லைமேடு என்ற பகுதியில், எதிரே உப்பிடமங்கலம் நோக்கி வந்த சரக்கு வேன் ஒன்று எதிர்பாராத விதமாக மோட்டார் சைக்கிள் மீது மோதியது. இதில் மோட்டார் சைக்கிளில் இருந்து தூக்கி வீசப்பட்ட மருதைகவி படுகாயம் அடைந்து சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த வெள்ளியணை போலீசார் சம்பவ இடத்திற்கு சென்று, மருதைகவியின் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.