தூத்துக்குடியில் மோட்டார் சைக்கிள் விபத்தில் காயமடைந்தவர் சாவு

தூத்துக்குடி முத்தையாபுரம் தோப்பு தெருவைச் சேர்ந்த கெட்டிபொம்மு மகன் அரசமுத்து (வயது 40). இவரும் அதே பகுதியை சேர்ந்த முத்து பிள்ளை மகன் சங்கர் (32) என்பவரும் தெர்மல் நகர் நோக்கி கடந்த ஒரு வாரத்திற்கு முன்பாக மோட்டார் சைக்கிளில் சென்றனர். அப்போது சாலையின் குறுக்கே சென்ற மாட்டின் மீது எதிர்பாராத விதமாக  மோட்டார் சைக்கிள் மோதியது. இதில் நிலைதடுமாறி கீழே விழுந்து காயம் அடைந்த அரசுமுத்து தனியார் ஆஸ்பத்திரியில் சிகிச்சை பெற்று வீடு திரும்பினார். படுகாயம் அடைந்த சங்கர் 108 ஆம்புலன்ஸ் மூலம் தூத்துக்குடி அரசு ஆஸ்பத்திரியில் சேர்க்கப்பட்டு சிகிச்சை பெற்று வந்தார். இந்த நிலையில் நேற்று முன்தினம் சிகிச்சை பலனின்றி சங்கர் பரிதாபமாக இறந்தார். இந்த விபத்து குறித்து முத்தையாபுரம் போலீசார் வழக்குப்பதிவு செய்து விசாரணை நடத்தி வருகின்றனர்.