சேலத்தில் சாலையை கடக்க முயன்றவர் பஸ் மோதி பலி

சூரமங்கலம்:

சேலம் குரங்குச்சாவடி பகுதியில் நேற்று சுமார் 40 வயதுடைய ஒருவர் சாலையை கடக்க முயன்றார். அப்போது கிருஷ்ணகிரியில் இருந்து சேலத்துக்கு வந்த தனியார் பஸ் ஒன்று அவர் மீது மோதியது. இதில் படுகாயம் அடைந்த அவர் சம்பவ இடத்திலேயே பரிதாபமாக இறந்தார்.

இதுகுறித்து தகவல் கிடைத்ததும் சூரமங்கலம் போலீசார் சம்பவ இடத்துக்கு விரைந்து சென்றனர். பின்னர் இறந்தவரின் உடலை போலீசார் மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். மேலும் இந்த விபத்து தொடர்பாக போலீசார் வழக்குப்பதிவு செய்து இறந்தவர் யார்? எந்த ஊரை சேர்ந்தவர்? என்பது குறித்து விசாரணை நடத்தி வருகின்றனர்.