பணம் பறித்த 2 சிறுவர்கள் கைது

திருவாரூர் மாவட்டம் மன்னார்குடி வ.உ.சி. தெருவை சேர்ந்தவர் அய்யப்பன் (வயது 29). இவர் கரூரில் உள்ள ஓட்டல் ஒன்றில் சப்ளையராக பணிபுரிந்து வந்துள்ளார். இந்நிலையில் சம்பவத்தன்று கரூர் மினி பஸ் நிலையம் அருகே அய்யப்பன் நடந்து சென்று கொண்டிருந்தார். அப்போது அந்த வழியாக வந்த 2 சிறுவர்கள் அய்யப்பனிடம் கத்தியை காட்டி மிரட்டி அவர் வைத்திருந்த ரூ.200-ஐ பறித்து சென்றனர். இதுகுறித்து அய்யப்பன் கரூர் டவுன் போலீஸ் நிலையத்தில் புகார் கொடுத்தார். அதன்பேரில் போலீஸ் சப்- இன்ஸ்பெக்டர் பிரபாகரன் வழக்குப்பதிந்து, கத்தியை காட்டி மிரட்டி பணம் பறித்த கரூர் பகுதியை சேர்ந்த 17 வயது மற்றும் 16 வயது சிறுவர்களை கைது செய்து விசாரணை நடத்தி வருகின்றனர்.