கஞ்சா விற்ற பெண் கைது

திருமங்கலம்,ஏப்

திருமங்கலம் அருகே உள்ள திரளி கிராமத்தைச் சேர்ந்தவர்  சீதாலட்சுமி (வயது 47). இவர் தனது மகனுடன் அங்குள்ள பஸ் நிறுத்தத்தில் நின்று கொண்டிருந்தார். அப்போது அப்பகுதியில் ரோந்து சென்ற திருமங்கலம் சப்-இன்ஸ்பெக்டர் லட்சுமணன் தலைமையிலான போலீசார் அவர்கள் மீது சந்தேகம் அடைந்து சீதாலட்சுமி வைத்திருந்த பையை சோதனை செய்தனர். அப்போது அதில் 2 கிலோ கஞ்சா இருந்தது தெரிய வந்தது. இதனைத் தொடர்ந்து சீதாலட்சுமியை கைது செய்து 2 கிலோ கஞ்சாவை போலீசார் பறிமுதல் செய்தனர். தப்பி ஓடிய அவரது மகனை தேடி வருகின்றனர்.