நெல்லையில் குண்டர் சட்டத்தில் 2 பேர் கைது

நெல்லை:

நெல்லை தச்சநல்லூர் மணிமூர்த்தீசுவரம் செல்லப்பாண்டியன் நகரை சேர்ந்த இசக்கிமுத்து மகன் மணிகண்டன் (வயது 21). வண்ணார்பேட்டை வளையாபதி தெருவை சேர்ந்த செல்லையா மகன் சுடலைமுத்து (23). இவர்கள் 2 பேரும் சந்திப்பு பகுதியில் கொலை முயற்சி, பொது மக்களை அச்சுறுத்துதல் போன்ற செயல்களில் ஈடுபட்டு வந்துள்ளனர்.

இதையொட்டி 2 பேரையும் குண்டர் தடுப்பு காவல் சட்டத்தில் கைது செய்ய நெல்லை மாநகர போலீஸ் கமிஷனர் அன்பு உத்தரவிட்டார். இதையடுத்து நெல்லை சந்திப்பு போலீஸ் இன்ஸ்பெக்டர் மாரீஸ்வரி, மணிகண்டன், சுடலைமுத்து ஆகியோரை குண்டர் சட்டத்தில் கைது செய்து பாளையங்கோட்டை மத்திய சிறையில் அடைத்தார்.