மோட்டார்சைக்கிள் மோதி அ.தி.மு.க. பிரமுகர் பலி

வாடிப்பட்டி,ஏப்.1-

வாடிப்பட்டி அருகே உள்ள சொக்கலிங்கபுரத்தை சேர்ந்தவர் லட்சுமணன் (வயது 45). அ.தி.மு.க. பிரமுகரான இவர் அ.தி.மு.க. தேர்தல் அலுவலகத்துக்கு செல்வதற்காக நேற்று முன் தினம் இரவு மின் வாரிய அலுவலக பகுதியில் இருந்து நடந்து வந்தார். அப்போது அந்த வழியாக வந்த மோட்டார்சைக்கிள் அவர் மீது மோதியது. இதில் பலத்த காயம் அடைந்த அவர் மதுரை அரசு ஆஸ்பத்திரியில் சேர்க்கப்பட்டு சிகிச்சை பலனின்றி இறந்தார். இது தொடர்பாக இன்ஸ்பெக்டர் சில்வியா ஜாஸ்மின் வழக்குப்பதிவு செய்து விசாரணை நடத்தி வருகிறார்.