பொங்கலூர் அருகே நாய்கள் கடித்து குதறியதில் 7 ஆடுகள் செத்தன.
பொங்கலூர் அருகே நாய்கள் கடித்து குதறியதில் 7 ஆடுகள் செத்தன.
பொங்கலூர்
பொங்கலூர் அருகே நாய்கள் கடித்து குதறியதில் 7 ஆடுகள் செத்தன.
இது பற்றிய விவரம் வருமாறு
விவசாயி
பொங்கலூர் அருகே உள்ள கரியாம்பாளையத்தை சேர்ந்தவர் வெங்கடாசலம் விவசாயி. இவர் ஆடுகள் வைத்து பராமரித்து வருகிறார். இந்த ஆடுகளை அடிக்கடி தோட்டத்துக்கு மேய்ச்சலுக்கு அழைத்து செல்வது உண்டு.
இந்த நிலையில் சம்பவத்தன்று பகலில் தனது ஆடுகளை மேய்ச்சலுக்கு அழைத்து சென்று வந்த பின்னர் இரவி்ல் தோட்டத்தில் உள்ள பட்டியில் அந்த ஆடுகளை அடைத்து வைத்துவிட்டு வீட்டுக்கு வந்து தூங்கினார்.
நாய்கள் கடித்து 7 ஆடுகள் செத்தன
மறுநாள் காலையில் வழக்கம் போல் தோட்டத்துக்கு சென்ற அவர் அங்கு பட்டியில் இருந்த ஆடுகள் சில செத்துக் கிடந்ததை பார்த்தார். இதனால் அதிர்ச்சி அடைந்த அவர் பட்டிக்குள் சென்று பார்த்தபோது நள்ளிரவில் பட்டிக்குள் புகுந்த நாய்கள் ஆடுகளை கடித்து குதறியதில் 7 ஆடுகள் செத்தது தெரியவந்தது.
செத்துப்போன ஆடுகளின் மதிப்பு சுமார் ரூ.50 ஆயிரம் இருக்கும் என்று கூறப்படுகிறது. நள்ளிரவில் நாய்கள் இதுபோல் பட்டிக்குள் புகுந்து ஆடுகளை கடித்து கொன்று வருவது விவசாயிகள் மத்தியில் அச்சத்தை ஏற்படுத்தியுள்ளது. இது தொடர்பாக சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என்று கோரிக்கை விடுத்துள்ளனர்.