ராஜா முத்தையா மருத்துவக்கல்லூரி மாணவர்கள் உண்ணாவிரதம்

அண்ணாமலைநகர், 

சிதம்பரம் அண்ணாமலை பல்கலைக்கழக ராஜா முத்தையா மருத்துவக் கல்லூரி மாணவர்கள், குறைக்கப்பட்ட கல்வி கட்டணத்தை நடப்பு ஆண்டிலேயே செயல்படுத்த வலியுறுத்தி கடந்த 28 நாட்களாக தொடர்ந்து போராடி வருகின்றனர். நேற்று அவர்கள் 29-வது நாளாக உண்ணாவிரத போராட்டம் நடத்தினர். ராஜா முத்தையா மருத்துவக் கல்லூரி நுழைவு வாயில் அருகே நடந்த போராட்டத்தில் நூற்றுக்கணக்கான மாணவ- மாணவிகள், பயிற்சி டாக்டர்கள் கலந்து கொண்டனர். அப்போது அவர்கள், குறைக்கப்பட்ட கல்வி கட்டணத்தை நடப்பு ஆண்டிலேயே நடைமுறைப்படுத்த வேண்டும் என்று கோஷங்களை எழுப்பினர். கொளுத்தும் வெயிலையும் பொருட் படுத்தாமல் அவர்கள் போராட்டம் நடத்தினர். மாலை 4 மணிக்கு மேல் போராட்டத்தை கைவிட்டு கலைந்து சென்றனர்.