விவசாயியிடம் அரிவாளை காட்டி மிரட்டி பணம் பறிப்பு

களக்காடு, மார்ச்:

களக்காடு கப்பலோட்டிய தமிழன் தெருவை சேர்ந்தவர் ஜெயபால் மகன் முத்துவேல் (வயது 39). விவசாயி. இவர் சம்பவத்தன்று தனது நண்பரான களக்காட்டை சேர்ந்த ஆறுமுகம் மகன் கண்ணனுடன் நாகன்குளத்திற்கு வாழைத்தார் வெட்டுவதற்காக ஆட்களை பார்க்க சென்றார். நாகன்குளம் விலக்கில் வந்த போது நெல்லை பேட்டை எம்.ஜி.ஆர். நகரை சேர்ந்த வெள்ளப்பாண்டி மகன் மணி என்ற பேட்டை மணி அவரை வழிமறித்து, மது அருந்த பணம் தரும்படி கேட்டார். அதற்கு முத்துவேல் மறுத்ததால் ஆத்திரம் அடைந்த ஜெயபால், முத்துவேல் கழுத்தில் அரிவாளை வைத்து மிரட்டி அவர் பாக்கெட்டில் வைத்திருந்த ரூ.200-ஐ பறித்துக் கொண்டார். மேலும் கொலை மிரட்டலும் விடுத்துச் சென்றார். இதுபற்றிய புகாரின்பேரில் களக்காடு போலீஸ் இன்ஸ்பெக்டர் அருள்பிரகாஷ், சப்-இன்ஸ்பெக்டர் கார்த்திகேயன் ஆகியோர் வழக்குப்பதிவு செய்து விசாரணை நடத்தி வருகின்றனர்.