அ.தி.மு.க., இந்திய கம்யூனிஸ்டு உள்பட 15 வேட்பாளர்கள் போட்டி

நடைபெற உள்ள சட்டசபை தொகுதியில் போட்டியிட விரும்புபவர்களிடம் இருந்து கடந்த 12-ந்் தேதி முதல் 19-ந்தேதி வரை வேட்பு மனுக்கள் பெறப்பட்டு வந்தன.
இதில் சிவகங்கை சட்டமன்ற தொகுதியில் போட்டியிட அ.தி.மு.க. வேட்பாளர் செந்தில்நாதன், இந்திய கம்யூனிஸ்டு கட்சி வேட்பாளர் குணசேகரன், அ.ம.மு.க. வேட்பாளர் அன்பரசன், நாம் தமிழர் கட்சி வேட்பாளர் மல்லிகா, மைஇந்தியா பார்ட்டி வேட்பாளர் பாண்டிமுத்து, மக்கள் நீதி மய்யம் வேட்பாளர் ஜோசப் உள்பட 26 பேர் வேட்புமனுதாக்கல் செய்திருந்தனர். மனு பரிசீலனையில் 26 மனுக்களும் ஏற்றுகொள்ளபட்டன.
 இது போல் அ.தி.மு.க.மாற்று வேட்பாளர் பில்லூர் ராமசாமி, இந்திய கம்யூனிஸ்டு கட்சி வேட்பாளர் கோபால் ஆகிய 2 பேரின் மனுவும் சேர்த்து மொத்தம் 6  மனுக்கள் தள்ளுபடி செய்யப்பட்டன. மீதியுள்ள 20 மனுக்கள் ஏற்றுகொள்ளப்பட்டன. வேட்புமனுக்கள் வாபஸ் பெற கடைசி நாளான நேற்று 5 பேர் தங்கள் மனுவை வாபஸ் பெற்றனர்.
 இதைத்தொடர்ந்து மீதியுள்ள 15 பேருக்கு சின்னம் ஒதுக்கும் பணி சிவகங்கை கோட்டாட்சியர் அலுவலகத்தில் தேர்தல் அலுவலர் முத்துகழுவன் தலைமையிலும், பொதுபார்வையாளர் முத்துகிருஷ்ணன் சங்கரநாராயணன் முன்னிலையிலும் நடைபெற்றது. இதில் வேட்பாளர்களுக்கு கீழ்கண்ட சின்னங்கள் ஒதுக்கப்பட்டது. அது பற்றிய விவரம் வருமாறு:-
1. பி.ஆர்.செந்தில்நாதன் (அ.தி.மு.க.)- இரட்டை இலை
2.குணசேகரன் (இந்திய கம்யூனிஸ்டு)- தானிய கதிர்களும்,அரிவாளும்
3.அன்பரசன் (அ.ம.மு.க.) -குக்கர்
4.பாண்டிமுத்து (மைஇந்தியா பார்ட்டி)-கண்காணிப்பு கேமரா
5. மல்லிகா(நாம் தமிழர் கட்சி)-கரும்பு விவசாயி
6. வடிவேல்(அனைத்துமக்கள் புரட்சி கட்சி)- கண்ணாடி டம்ளர்
7. ஜோசப் (மக்கள்நீதிமய்யம்)- டார்ச் லைட்
8. கலைச்செல்வம் (சுயே)-ரம்பம்
9. கானிங்பிரபு (சுயே)-பற்பசை
10, ர. குணசேகரன் (சுயே)- புணல்
11. திருக்குமரன் (சுயே)-கால்குலேட்டர்
12. முனைவர் பார்த்தசாரதி (சுயே)-ஆட்டோரிக் ஷா
13. ரவி (சுயே)-செங்கல்
14. விமல்ராஜ் (சுயே)-நீர்தொட்டி
15. விஸ்வநாதன் (சுயே)-ஸ்ேபனர்.