வீடு புகுந்து பணம் திருடியவர் கைது

நெல்லை:

பாளையங்கோட்டை கே.டி.சி. நகர் பகுதியில் கடந்த சில நாட்களுக்கு முன்பு ஒரு வீட்டில் மர்மநபர் வீடு புகுந்து நகை மற்றும் பணத்தை திருடிச் சென்றார். இதுகுறித்து பாளையங்கோட்டை குற்றப்பிரிவு போலீசார் வழக்குப்பதிவு செய்து விசாரணை நடத்தினர். மேலும் அந்த பகுதியில் பொருத்தப்பட்டு இருந்த கண்காணிப்பு கேமராவை கைப்பற்றி ஆய்வு செய்தனர். 

இதில் மோட்டார் சைக்கிளில் வந்த ஒரு மர்மநபர் திருடிச் சென்றது தெரியவந்தது. தொடர்ந்து போலீசார் நடத்திய விசாரணையில், அவர் பாவூர்சத்திரம் பகுதியை சேர்ந்த சேர்மதுரை (வயது 26) என்பது தெரிய வந்தது. அவரை போலீசார் கைது செய்தனர். அவரிடம் இருந்த மோட்டார் சைக்கிளும் பறிமுதல் செய்யப்பட்டது.