தோட்டத்துக்குள் புகுந்த மலைப்பாம்பு

போடி:

போடி அருகே உள்ள தோப்புபட்டி களத்தில் குருசாமி என்பவருக்கு சொந்தமான தோட்டம் உள்ளது.

இங்கு நேற்று முன்தினம் நள்ளிரவு மலைப்பாம்பு ஒன்று புகுந்தது. இதுகுறித்து உடனடியாக போடி தீயணைப்பு நிலையத்துக்கு தகவல் கொடுக்கப்பட்டது.

 அதன்பேரில் நிலைய அலுவலர் சக்திவேல் தலைமையிலான தீயணைப்பு வீரர்கள் சம்பவ இடத்திற்கு விரைந்து சென்று சுமார் ஒரு மணி நேரம் போராடி சுமார்  8 அடி நீளம் கொண்ட மலைப்பாம்பை பிடித்தனர்.

 பின்னர் அந்த பாம்பு வனத்துறையினரிடம் ஒப்படைக்கப்பட்டது.