கெங்கவல்லி: தென்னை மரத்தில் இருந்து தவறி விழுந்த தொழிலாளி பலி

கெங்கவல்லி:

கெங்கவல்லி அருகே சாத்தப்பாடி வடக்கு காட்டுக்கொட்டாய் பகுதியை சேர்ந்தவர் பூமாலை (வயது 49). விவசாய கூலித்தொழிலாளி. இவர் நேற்று அந்த பகுதியில் கோவில் திருவிழா நடைபெறுவதையொட்டி பந்தல் போடுவதற்கு தென்னை மரத்தில் மட்டை வெட்டுவதற்கு சென்றார். அப்போது ஒரு தென்னை மரத்தில் ஏறி மட்டையை வெட்டும் போது நிலைதடுமாறி கீழே விழுந்தார். இதில் தலையில் படுகாயம் அடைந்த அவர் சம்பவ இடத்திலேயே பரிதாபமாக உயிரிழந்தார். இது குறித்து கெங்கவல்லி போலீசார் வழக்குப்பதிவு செய்து விசாரணை நடத்தி வருகிறார்கள்.