சொத்து தகராறில் கத்திக்குத்து
சொத்து தகராறில் கத்திக்குத்து சம்பவம் தொடர்பாக ஒருவர் கைது செய்யப்பட்டார்;
நயினார்கோவில்,
நயினார்கோவில் ஊராட்சி ஒன்றியத்துக்கு உட்பட்ட அஞ்சாமடை கிராமத்தை சேர்ந்தவர் சிவா, இவருடைய சகோதரர் துரைமுருகன், அதே ஊரைச் சேர்ந்த கருணாகரன் இடையே இடப்பிரச்சினை இருந்து வந்துள்ளது. இந்த நிலையில் அஞ்சாமடை பஸ் நிறுத்தம் அருகில் கருணாகரன் நின்றிருந்தபோது அவரிடம், சிவா மற்றும் முருகன் ஆகியோர் தகராறில் ஈடுபட்டுள்ளனர். அப்போது, சிவா மறைத்து வைத்திருந்த கத்தியால் கருணாகரனை குத்தி உள்ளார். இதில் காயமடைந்த கருணாகரனை அருகில் இருந்தவர்கள் மீட்டு போலீசாருக்கு தகவல் தெரிவித்தனர். இதையடுத்து, நயினார்கோவில் போலீசார் விரைந்து வந்து கருணாகரனை பரமக்குடி அரசு மருத்துவமனையில் சிகிச்சைக்கு அனுமதித்துள்ளனர். இதுகுறித்த புகாரின்பேரில் நயினார் கோவில் போலீசார் வழக்கு பதிவு செய்து துரைமுருகனை கைது செய்தனனர். தப்பி ஓடிய சிவாவை போலீசார் தேடி வருகின்றனர்.