பொதுமக்கள், மாணவர்கள் பங்கேற்ற ஓவிய போட்டி

 காரைக்குடி சட்டமன்ற தொகுதியின் சார்பில் காரைக்குடி மகரிஷி வித்யாமந்திர் மெட்ரிக் மேல்நிலைப் பள்ளியில் வாக்காளர்களுக்கு விழிப்புணர்வை ஏற்படுத்தும் வகையில் பொதுமக்கள் மற்றும் கல்லூரி மாணவர்கள் பங்கேற்ற கட்டுரைப் போட்டி மற்றும் ஓவியப் போட்டி நடைபெற்றது. இந்த போட்டியில் 70 போட்டியாளர்கள் கலந்து கொண்டனர். போட்டியின் ஒவ்வொரு பிரிவிற்கும் 5 பரிசுகள் வீதம் மொத்தம் 20 பரிசுகள் வழங்கப்பட்டது.
பின்னர் நடைபெற்ற பரிசளிப்பு விழாவிற்கு உதவி தேர்தல் நடத்தும் அலுவலரும், காரைக்குடி தாசில்தாருமான அந்தோணிராஜ் வரவேற்றார். காரைக்குடி மண்டல துணை தாசில்தார் மல்லிகார்ஜூன், தனித்துணை தாசில்தார் முபாரக் உசேன், காரைக்குடி வருவாய் ஆய்வாளர் மெஹர்அலி, சாக்கோட்டை வருவாய் ஆய்வாளர் பிரபாகரன் ஆகியோர் கலந்து கொண்டனர். வெற்றி பெற்ற மாணவ-மாணவிகள், பொதுமக்களுக்கு பரிசுகள் வழங்கப்பட்டன.