சேலத்தில், 3-வது நாளாக அங்கன்வாடி ஊழியர்கள் போராட்டம்

சேலம்:

அங்கன்வாடி ஊழியர்கள் மற்றும் உதவியாளர்கள் சங்கத்தினர் சேலம் நாட்டாண்மை கழக கட்டிடம் முன்பு நேற்று 3-வது நாளாக காத்திருப்பு போராட்டத்தில் ஈடுபட்டனர். இதற்கு சங்க மாநில துணைத்தலைவர் சரோஜா தலைமை தாங்கினார். அங்கன்வாடி ஊழியர்களை அரசு ஊழியராக்க வேண்டும். அகவிலைப்படியுடன் கூடிய ஓய்வூதியம் மற்றும் குடும்ப ஓய்வூதியம் வழங்க வேண்டும். பணிக்கொடையாக ஊழியர்களுக்கு ரூ.10 லட்சம், உதவியாளர்களுக்கு ரூ.5 லட்சம் வழங்க வேண்டும் ஆகிய 3 அம்ச கோரிக்கைகளை வலியுறுத்தி நடந்த இந்த போராட்டத்தில் அங்கன்வாடி ஊழியர்கள், சமையலர்கள், உதவியாளர்கள் என பலர் கலந்து கொண்டனர்.