வாலிபரிடம் சங்கிலி பறித்தவர் கைது

திசையன்விளை, பிப்:

திசையன்விளை அருகே உள்ள தச்சன்விளை வாசகசாலை தெருவை சேர்ந்தவர் ஆனை குட்டி. இவரது மகன் சூரிய பிரகாஷ் (வயது 19). சம்பவத்தன்று 2 மர்ம நபர்கள் இவர் கழுத்தில் அணிந்திருந்த 10 கிராம் தங்க சங்கிலி மற்றும் விலை உயர்ந்த செல்போனையும் பறித்து சென்று விட்டனர். இதுகுறித்து திசையன்விளை போலீசார் வழக்குப்பதிவு செய்து மர்ம நபர்களை தேடி வந்தனர். இந்த நிலையில் இந்த வழக்கில் தொடர்புடைய பாளையங்கோட்டை சாந்திநகரை சேர்ந்த முண்டசாமி மகன் பிரேம்சங்கர் (28) என்பவரை போலீசார் கைது செய்தனர். அவரிடம் இருந்து 10 கிராம் தங்க சங்கிலி மற்றும் செல்போனை போலீசார் பறிமுதல் செய்தனர். மேலும் இந்த வழக்கில் தொடர்புடைய மற்றொருவரை தேடி வருகின்றனர்.