போஜீஸ்வரர் கோவிலில் 1008 கலசங்கள் வைத்து சிறப்பு யாகம்

சமயபுரம், 

சமயபுரம் மாரியம்மன் கோவில் கட்டுப்பாட்டிலுள்ள போஜீஸ்வரர் கோவில் வருடாபிஷேகத்தையொட்டி 1008 கலசங்கள் வைத்து நேற்று சிறப்பு யாகம் நடைபெற்றது. இதில் திரளான பக்தர்கள் கலந்து கொண்டனர். இன்று(சனிக்கிழமை) இரண்டாம் காலபூஜை காலை 6 மணியிலிருந்து 12.30 மணி வரை நடைபெறுகிறது. விக்னேஷ்வரபூஜை, புண்யாகவாசனம், சுவாமிஆவாகனம், ஹோமம், பூர்ணாஹூதி மற்றும் சகஸ்ர கலசாபிஷேகம் நடைபெற்று தீபாராதனை நடைபெறுகிறது. இதற்கான ஏற்பாடுகளை சமயபுரம் மாரியம்மன் கோவில் இணைஆணையர் அசோக்குமார் தலைமையில் கோவில் பணியாளர்கள் மற்றும் ஊழியர்கள் உள்ளிட்டோர் செய்திருந்தனர்.