பூந்தமல்லியில், வீட்டின் பூட்டை உடைத்து 30 பவுன் நகை-பணம் திருட்டு
பூந்தமல்லியில் வீட்டின் பூட்டை உடைத்து 30 பவுன் நகை மற்றும் ரூ.1.20 லட்சத்தை மர்மநபர்கள் திருடிச்சென்றனர்.
பூந்தமல்லி,
பூந்தமல்லி சாரதி நகரைச் சேர்ந்தவர் நூர்ஜகான் (வயது 30). இவர், நேற்று முன்தினம் இரவு வீட்டை பூட்டிவிட்டு, அதே பகுதியில் வசிக்கும் தனது தந்தைக்கு உடல்நிலை சரிஇல்லாததால் அவரை கவனிக்க சென்றுவிட்டார்.
நேற்று காலை வீட்டுக்கு திரும்பி வந்தபோது, முன்பக்க கதவின் பூட்டு உடைக்கப்பட்டு கதவு திறந்து இருப்பதை கண்டு அதிர்ச்சி அடைந்தார். உள்ளே சென்று பார்த்தபோது பீரோ உடைக்கப்பட்டு அதில் வைத்து இருந்த 30 பவுன் நகை மற்றும் ரூ.1.20 லட்சத்தை மர்மநபர்கள் திருடிச்சென்று இருப்பது தெரிந்தது.
மேலும் மர்மநபர்கள் நூர்ஜகான் வீட்டின் அருகில் உள்ள மேலும் 2 வீடுகளின் பூட்டை உடைத்து கொள்ளையடித்து உள்ளனர். அதில் ஒரு வீட்டில் இருந்து செல்போன் மற்றும் மடிக்கணினியை திருடியதாகவும், மற்றொரு வீட்டில் எதுவும் கிடைக்காமல் ஏமாற்றம் அடைந்ததாகவும் தெரிகிறது.
அடு்த்தடுத்து 3 வீடுகளில் நடந்த திருட்டு சம்பவத்தால் அந்த பகுதி மக்கள் அதிர்ச்சி அடைந்தனர். இதுபற்றி பூந்தமல்லி போலீசார் வழக்குப்பதிவு செய்து விசாரித்து வருகின்றனர்.