மின்சாரம் தாக்கி தொழிலாளி சாவு

மத்தூர்,

போச்சம்பள்ளி அருகே உள்ள தாதம்பட்டி கிராமத்தை சேர்ந்தவர் கூலித்தொழிலாளி கருணாகரன் (வயது 61). இவர் பல நாட்களாக உடல்நலக்குறைவால் அவதிப்பட்டு வந்ததாக கூறப்படுகிறது.  இந்தநிலையில் கருணாகரன் தவறுதலாக அங்குள்ள மின்சார கம்பியை தொட்டு விட்டதாக தெரிகிறது. இதனால் மின்சாரம் தாக்கி தூக்கி வீசப்பட்ட கருணாகரன் சம்பவ இடத்திலேயே இறந்தார். இதுகுறித்து போச்சம்பள்ளி போலீசார் வழக்குப்பதிவு செய்து விசாரணை நடத்தி வருகின்றனர்.