கமுதி,
கமுதி அருகே அபிராமம் போலீஸ் சரகம் ஆரப்பத்தி ஊரைச் சேர்ந்தவர் முகமது அப்துல் வகாப் (வயது 28). விவசாயி. இவர் கீழராமநதிக்கு சென்றுவிட்டு மோட்டார் சைக்கிளில் திரும்பிக்கொண்டு இருந்தார். அப்போது சாலையில் நின்றிருந்த வேன் மீது மோதினார். இதில் படுகாயம் அடைந்த முகமது அப்துல் வகாப் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த கமுதி போலீஸ் இன்ஸ்பெக்டர் அன்பு பிரகாசம், சப்-இன்ஸ்பெக்டர்கள் முருகநாதன், முருகன் ஆகியோர் சம்பவ இடத்திற்கு விரைந்து சென்று முகம்மது அப்துல் வகாப் உடலை கைப்பற்றி கமுதி அரசு மருத்துவமனைக்கு பிரேத பரிசோதனைக்கு அனுப்பி வைத்து வழக்குப்பதிவு செய்து விசாரணை நடத்தி வருகின்றனர்.