போலீஸ்காரர் மயங்கி விழுந்து திடீர் சாவு

திருமங்கலம்

திருமங்கலம் அருகே உள்ள சித்தாலை கிராமத்தை சேர்ந்தவர் பூலோக சுந்தர்(வயது 42). இவர் போக்குவரத்து போலீஸ்காரராக பணியாற்றி வந்தார்.

 இவருக்கு இளவரசி என்ற மனைவியும், சுதன், சுவாதி என்ற 2 குழந்தைகள் உள்ளனர். இந்த நிலையில் பணியில் இருந்த போது திடீரென நெஞ்சுவலி ஏற்பட்டு மயங்கி விழுந்தார். திருமங்கலம் தனியார் மருத்துவமனையில் சிகிச்சைக்கு சேர்க்கப்பட்டார். ஆனால் அங்கு சிகிச்சை பலனின்றி அவர் இறந்தார். இதுகுறித்து போலீசார் வழக்குப்பதிவு செய்து விசாரித்து வருகின்றனர்.